ઘરેલું કામદારના અધિકારો

શું હું ઘરેલું કામદાર છું?

જો તમે ખાનગી ઘરોને બાળ સંભાળ, ઘરની સફાઈ, બાગકામ, વૃદ્ધો અથવા અપંગ વ્યક્તિઓની સંભાળ, રસોઈ અને તેનાં જેવાં અન્ય કાર્યો સામેલ હોય તેવી સેવાઓ પૂરી પાડતા હોવ, તો તમને ઘરેલું કામદાર માનવામાં આવે છે.

તમે સલામત અને નિષ્પક્ષ કાર્યસ્થળને લાયક છો!

New Jersey ઘરેલું કામદારોના અધિકારોનું વિધેયક, ભલે તમારો ઇમિગ્રેશનનો દરજ્જો કે તમને પગારની ચુકવણી કરવાની રીત કંઈપણ હોય.તેને ધ્યાનમાં લીધા વગર કાર્યસ્થળે સુરક્ષાઓ પૂરી પાડે છે. તમે તમારા કામના અધિકારોનો ઉપયોગ કરો તે બદલ તમારા નોકરીદાતા તમારી સામે બદલો લઈ શકતા નથી. જો તેઓ આવું કરે, તો તેમની સામે કડક દંડાત્મક પગલાં લેવાઈ શકે છે.

ઇમિગ્રન્ટ રક્ષણો

New Jersey શ્રમ વિભાગ (New Jersey Department of Labor – NJDOL) ઇમિગ્રેશન અથવા નાગરિકતાના દરજ્જા વિશે પૂછતો નથી. NJDOL એ રાજ્યનો એક વિભાગ છે, જે ફેડરલ સરકારથી અલગ છે અને તપાસમાંથી કોઈપણ માહિતીને કોઈપણ ફેડરલ ઇમિગ્રેશન એજન્સી સાથે શેર કરશે નહીં, સિવાય કે તે કાયદેસર રીતે જરૂરી હોય. ચોક્કસ રોકડ લાભો માટે અરજી કરવા માટે તમારે સામાજિક સુરક્ષા નંબરની જરૂર પડે છે.

તમારા અધિકારો અને રક્ષણો

• કરારનો અધિકાર જો તમે આવરી લેવામાં આવેલા ઘરેલું કામદાર હોવ અને મહિનામાં પાંચ કે તેથી વધુ કલાક કામ કરતા હોવ, તો તમારા નોકરીદાતાએ તમને લેખિત કરાર આપવો આવશ્યક છે. કરાર તમારી ભાષામાં હોવો આવશ્યક છે.
• યોગ્ય પગાર અને માંદગીના સમયનો અધિકાર તમને ઓછામાં ઓછું રાજ્યનું લઘુત્તમ વેતન, ઓવરટાઇમ પગાર અને તમારી અથવા પ્રિયજનોની સંભાળ રાખવા માટે ભેગી કરેલી માંદગીની રજા મળવી જોઈએ. તમારા નોકરીદાતાએ તમને નિયમિતપણે, મહિનામાં ઓછામાં ઓછા બે વાર અને પગારનો સમયગાળો પૂરો થયાના વધુમાં વધુ 10 દિવસ સુધીમાં, પગાર આપવો આવશ્યક છે. 
• વિરામ લેવાનો અધિકાર, જેમાં આરામ કરવા માટે વિરામ, ભોજનનો વિરામ અને તમે કેટલો સમય કામ કરો છો તેના આધારે ઊંઘનો સમય સામેલ છે.
• ગોપનીયતાનો અધિકાર તમારા નોકરીદાતા તમારા વ્યક્તિગત દસ્તાવેજો (દા.ત., પાસપોર્ટ, વિઝા)ની મૂળ નકલો રાખી શકતા નથી. તેઓ ખાનગી જગ્યાઓ (દા.ત. બાથરૂમ, તમારા રહેવાના ક્વાર્ટર્સ) અથવા તમારા ખાનગી કમ્યુનિકેશન (ફોન/ઇમેઇલ)માં પર દેખરેખ રાખી શકતા નથી અથવા તેને રેકોર્ડ કરી શકતા નથી
• કામદારોનું વળતર તમારા નોકરીદાતાએ કામદારના વળતરનો વીમો રાખવો આવશ્યક છે.
• સવેતન કૌટુંબિક અને તબીબી રજા અને બેરોજગારી લાભો ઘણાં ઘરેલુ કામદારો આ રોકડ લાભો માટે પાત્ર છે. અરજી કરવા માટે તમારી પાસે સામાજિક સુરક્ષા નંબર હોવો આવશ્યક છે.
• ભેદભાવ સામે રક્ષણ તમારા નોકરીદાતા જાતિ, રાષ્ટ્રીયતા, લિંગ અને વધુ જેવી ચોક્કસ લાક્ષણિકતાઓના આધારે તમારી સાથે ભેદભાવ કરે અથવા તમને હેરાન કરે તે ગેરકાયદેસર છે.

વધુ જાણો અથવા ફરિયાદ દાખલ કરો:

• nj.gov/labor/domesticworkers પર વધુ જાણો અથવા ફરિયાદ દાખલ કરો
• ફાઇલ કરવા માટે તમારે SSNની જરૂર નથી, કોઈ વિશ્વસનીય વ્યક્તિ તમારા વતી NJDOL ફાઇલ કરવામાં/સંપર્ક કરવામાં મદદ કરી શકે છે.

જો તમને કોઈ પ્રશ્નો હોય અથવા તમારા અધિકારો સમજવામાં મદદ જોઈએ, તો 973-298-0925 પર ટેક્સ્ટ કરીને AAPI New Jerseyનો સંપર્ક કરો.