ਨਿਊ ਜਰਸੀ ਵਿੱਚ ਪ੍ਰਵਾਸੀਆਂ ਲਈ ਵਪਾਰਕ ਡਰਾਈਵਿੰਗ ਲਾਇਸੈਂਸ

Read this information in English

ਆਪਣੇ ਅਧਿਕਾਰ ਜਾਣੋ

16 ਮਾਰਚ, 2026 ਤੋਂ, ਇੱਕ ਨਵੇਂ ਸੰਘੀ ਨਿਯਮ ਨੇ ਇਹ ਤਬਦੀਲ ਕਰ ਦਿੱਤਾ ਹੈ ਕਿ ਕੌਣ ‘ਗੈਰ-ਰਿਹਾਇਸ਼ੀ ਵਪਾਰਕ ਡਰਾਈਵਰ ਲਾਇਸੰਸ’ (CDL) ਜਾਂ ‘ਵਪਾਰਕ ਸਿਖਿਆਰਥੀ ਪਰਮਿਟ’ (CLP) ਪ੍ਰਾਪਤ ਕਰ ਸਕਦਾ ਹੈ ਜਾਂ ਨਵਿਆ ਸਕਦਾ ਹੈ।

ਕੀ ਬਦਲਿਆ? ਕੀ ਤੁਸੀਂ ਪ੍ਰਭਾਵਿਤ ਹੋ?

• ਕੰਮ ਦੇ ਪਰਮਿਟ (EADs) ਹੁਣ ਸਵੀਕਾਰ ਨਹੀਂ ਕੀਤੇ ਜਾਂਦੇ।
• ਨਿਊ ਜਰਸੀ ਵਿੱਚ, NJMVC ਸਿਰਫ਼ H-2A, H-2B ਜਾਂ E-2 ਵੀਜ਼ਾ ਵਾਲੇ ਲੋਕਾਂ ਲਈ ਹੀ ਇਹਨਾਂ ਗੈਰ-ਨਿਵਾਸੀ CDL/CLP ਨੂੰ ਜਾਰੀ ਜਾਂ ਨਵਿਆ ਸਕਦਾ ਹੈ। 

ਪ੍ਰਭਾਵਿਤ ਡਰਾਈਵਰ ਇਹ ਹਨ:

• ਸ਼ਰਨਾਰਥੀ ਦਰਜੇ ਜਾਂ ਸ਼ਰਨ (asylum) ਲਈ ਬਿਨੈਕਾਰ
• DACA ਪ੍ਰਾਪਤਕਰਤਾ
• ਆਰਜ਼ੀ ਸੁਰੱਖਿਅਤ ਦਰਜੇ (TPS) ਵਾਲੇ ਵਿਅਕਤੀ
• U- ਅਤੇ T-ਵੀਜ਼ਾ ਧਾਰਕ
• ‘ਡਿਫਰਡ ਐਕਸ਼ਨ’ (ਕਾਰਵਾਈ ਮੁਲਤਵੀ) ਵਾਲੇ ਵਿਅਕਤੀ
• ਮਾਨਵਤਾਵਾਦੀ ਪੈਰੋਲ (humanitarian parole) ਵਾਲੇ ਵਿਅਕਤੀ

ਜੇਕਰ ਤੁਹਾਡੇ ਕੋਲ ਇੱਕ ਵੈਧ ‘ਨਾਨ-ਡੋਮੀਸਾਈਲਡ’ (ਗੈਰ-ਰਿਹਾਇਸ਼ੀ) CDL ਜਾਂ CLP ਹੈ, ਤਾਂ ਵੀ ਤੁਸੀਂ ਵਪਾਰਕ ਵਾਹਨ ਚਲਾ ਸਕਦੇ ਹੋ।

ਆਪਣੇ ਲਾਇਸੰਸ ਦੀ ਸਥਿਤੀ ਦੀ ਜਾਂਚ ਕਰੋ: nj.gov/mvc/online-services.html

ਗੱਡੀ ਚਲਾਉਣ ਤੋਂ ਪਹਿਲਾਂ, ਆਪਣੇ ਅਧਿਕਾਰ ਜਾਣੋ

ਤੁਹਾਡਾ ਲਾਇਸੰਸ ਉਦੋਂ ਤੱਕ ਵੈਧ ਰਹਿੰਦਾ ਹੈ ਜਦੋਂ ਤੱਕ NJMVC ਇਸਨੂੰ ਰੱਦ ਨਹੀਂ ਕਰ ਦਿੰਦਾ। ਨੋਟਿਸ ਪ੍ਰਾਪਤ ਕਰਨ ਲਈ ਆਪਣੇ ਡਾਕ ਦੇ ਪਤੇ ਅਤੇ ਈਮੇਲ ਨੂੰ ਸਹੀ ਰੱਖੋ।

ਜੇਕਰ ਤੁਹਾਨੂੰ ਰੋਕਿਆ ਜਾਂਦਾ ਹੈ:

• ਸ਼ਾਂਤ ਰਹੋ।
• ਤੁਹਾਨੂੰ ਚੁੱਪ ਰਹਿਣ ਦਾ ਅਧਿਕਾਰ ਹੈ।
• ਤੁਹਾਨੂੰ ਆਪਣੀ ਇਮੀਗ੍ਰੇਸ਼ਨ ਸਥਿਤੀ ਜਾਂ ਮੂਲ ਦੇਸ਼ ਬਾਰੇ ਸਵਾਲਾਂ ਦੇ ਜਵਾਬ ਦੇਣ ਦੀ ਲੋੜ ਨਹੀਂ ਹੈ।
• ਜੇਕਰ ਸੰਭਵ ਹੋਵੇ, ਤਾਂ ਅਧਿਕਾਰੀ ਦਾ ਨਾਮ, ਬੈਜ ਨੰਬਰ ਅਤੇ ਏਜੰਸੀ ਦਾ ਵੇਰਵਾ ਪ੍ਰਾਪਤ ਕਰੋ।
• ਰੋਕੇ ਜਾਣ ਦੀ ਘਟਨਾ ਬਾਰੇ ਵੇਰਵੇ ਲਿਖ ਲਵੋ ਜਾਂ ਵੌਇਸ ਨੋਟ ਬਣਾ ਲਵੋ (ਜਿਵੇਂ ਕਿ ਸਥਾਨ, ਗੱਡੀ ਚਲਾਉਣ ਦੇ ਹਾਲਾਤ, ਅਤੇ ਕੋਈ ਹੋਰ ਡਰਾਈਵਰ ਜਿਨ੍ਹਾਂ ਨੂੰ ਵੀ ਰੋਕਿਆ ਗਿਆ ਸੀ)।

ਕੀ ਸਮਾਪਤੀ ਬਾਰੇ ਕੋਈ ਨੋਟਿਸ ਨਹੀਂ ਦਿੱਤਾ ਗਿਆ? ਗੱਡੀ ਚਲਾਉਣ ਲਈ ਤੁਹਾਨੂੰ ਸਜ਼ਾ ਨਹੀਂ ਮਿਲਣੀ ਚਾਹੀਦੀ, ਪਰ ਫਿਰ ਵੀ ਤੁਹਾਡੀ ਗੱਡੀ ਅਤੇ ਉਸ ਵਿੱਚ ਲੱਦਿਆ ਸਮਾਨ ਜ਼ਬਤ ਕੀਤਾ ਜਾ ਸਕਦਾ ਹੈ। ਜੇਕਰ ਰੋਕੇ ਜਾਣ ਤੋਂ ਬਾਅਦ ਤੁਹਾਡੇ ਕੋਲ ਹੋਰ ਸਵਾਲ ਹਨ, ਤਾਂ ਨਾਗਰਿਕ ਅਧਿਕਾਰਾਂ ਦੇ ਵਕੀਲ ਨਾਲ ਸੰਪਰਕ ਕਰੋ।